“Ai nuk vrau sepse arma iu bllokua”, lexohet në akt akuzën ndaj një italiani, i cili kishte tentuar të vriste një shqiptar. “Kjo nuk është e vërtetë, ai u largua vullnetarisht,” përgjigjet mbrojtja. Megjithatë akuzat për “tentativë vrasjeje në rrethanë rënduese dhe me paramendim, posedim të paligjshëm të armës”, rëndojnë mbi Amelio Longo, 40-vjeç nga Brindisi, që jeton në Serravalle, raporton ilsecoloxix.it.
Ai është duke u hetuar nga gjyqtari Paolo Bargero, i cili e ka shpallur fajtor për tentativë vrasje ndaj shqiptarit Roland Kola, 43 vjeç, me të cilin ishte konfrontuar në Novi të Italisë, më 18 prill.
I akuzuari po mbahet në burg, dhe që nga momenti i arrestimit të tij ai ende nuk ka thënë asnjë fjalë për ngjarje. Nga ana tjetër as shqiptari nuk donte të ankohej për këtë situatë.
Por Prokuroria dyshon se Longo ka dashur ta vrasë për arsye të një borxhi prej 10 mijë eurosh që shqiptari Kola i kishte marrë nga shitja e drogës.
Gjyqi i parë ndaj Longo u mbajt më datë 21 nëntor dhe avokatët mbrojtës të tij Cellerino Alexia dhe Enrico Grillo, kanë folur për ngjarjen.
Arma nuk u gjet pas të shtënave, dhe një armë slenciator ishte gjetur në shtëpinë e italianit në Tortona, ku në mes të majit Longo u arrestua gjatë një kontrolli të policisë, pasi iu gjet një armë e kalibrit 7.62. “Arma e konfiskuar nuk është ajo me të cilën ai ka qëlluar ndaj shqiptarit”, pohon avokati mbrojtës.
Dy burrat, nuk janë të panjohur për policinë pasi me parë janë dënuar për grabitje dhe drogë dhe ata kishin krijuar miqësi në burgun e Aleksandrisë, ku kishin qëndruar në të njëjtën qeli.
Jashtë burgut ata kishin ruajtur miqësinë. Natën kur kishte ndodhur ngjarja, shqiptari kishte dalë nhë një pikë lotoje kur italiani i kishte zënë pritë në rrugë dhe ishte përballur me të.
Pas tre të shtënave ndaj shqiptarit, për fat të mirë arma i ishte bllokuar italianit. Ai më pas e kishte goditur shqiptarin me qytën e pistoletës duke e lënë të gjakosur në rrugë. Nga dëshmitë e dhëna në polici, gjatë përleshjes italiani ishte shprehur: “Unë do t’i vrasin të gjithë, shqiptarët e m …”. Pasi ai nuk kishte mundur ta vriste shqiptarin nga frika se mos binte në pranga të policisë ai ishte larguar duke e kërcënuar me vdekje shqiptarin, ish-shokun e dhomës. Pas sulmit, italiani u i identifikua nga policia e cila e arrestoi në shtëpinë e tij në Tortona./TIRANA TODAY/
