Lorik Cana ka kaluar tre vite të mrekullueshme të karrierës së tij tek Marseille, ku ishte një lider dhe mbante shiritin e kapitenit. Edhe pse tashmë ai është tërhequr nga futbolli, klubi francez i ka treguar edhe njëherë se legjendat nuk harrohen kollaj.
Gjatë kohës së tij në “Velodrom”, Cana mbahet mend për golin e tij ndaj Liverpool në “Anfield” për fazën e grupeve, gol i cili i dha fitoren ekipit francez.
Në një postim në Twitter klubi shkroi: “10 vite më parë, Lorik Cana shënoi golin e vetëm të ndeshjes me Liverpool. Dhe çfarë goli që ishte”!
