Merkato e futbollistëve është bërë e paparashikueshme, pasi disa lojtarë që kanë qenë të rëndësishëm për skuadrën janë larguar pa e menduar dy herë. E njëjtë ishte edhe situata e Ivan Rakitic, i cili ishte mjaft i lidhur me një kalim nga Barcelona tek PSG gjatë kësaj vere.
Por është vetë mesfushori kroat qëe ka hedhur poshtë gjithë zërat, duke i quajtur thashetheme e më pas është shprehur se nuk e ka çuar asnjëherë ndërmend të largohet nga Barcelona, ndërsa thotë se është pjesë e klubit më të mirë në botë.
“Nuk kam pasur asnjëherë dyshime. Ishin ditë në të cilat mendova disi dhe dola në përfundimin se jam një futbollist me fat”, ka thënë fillimisht ai. “Jam në klubin më të mirë në botë dhe të luash për Barçën është gjëja më e bukur që mund të të ndodhë në jetë. Shpresoj të qëndroj këtu edhe për shumë vite të tjera. Kam kontratë deri në vitin 2021, por shpresoj të rinovoj për një kohë akoma më të gjatë”, u shpreh Rakitiç.
