Para largimit të tij nga Shqipëria, diplomati amerikan Lu, në emisionin “Real Story”, nuk hezitoi që të bëjë një krahasim mes ish-kryeprokurorit Adriatik Llalla dhe kryeprokurores Arta Marku.
Ai lëshoi akuza ndaj tij, duke e bërë përgjegjës për pengimin e reformës së gjyqësorit. Jo vetëm kaq, por edhe si zyrtarin e lartë më të korruptuar. Lu solli në kujtesë faktin se prokurorët shqiptarë po e hetojnë për “pastrim parash”, “korrupsion” dhe “shpërdorim detyre”.
“Nuk kam asgjë personale kundër Z. Llalla. Mendoj se shumë shqiptarë dhe unë personalisht ndjejmë se Z. Llalla përfaqëson zyrtarët e shumtë që janë përpjekur të pengojnë zbatimin e reformës së gjyqësorit.
Gjithashtu, Sekretari i Shtetit e ka shpallur Z. Llalla si zyrtar të lartë të korruptuar. Prokurorët në Shqipëri, po e hetojnë aktualisht për “pastrim parash”, “korrupsion” dhe “shpërdorim detyre”.
Kemi përgëzuar vendimin e gjykatave për të sekuestruar asetet e tij shumë të mëdha të pashpjeguara, dhe kemi nxitur gjyqësorin në vend që të kufizojë lëvizjet e tij, në mënyrë që të mos i largohet drejtësisë”, tha Donald Lu.
