Ku më mirë sesa në Shkodër, opozita do mund të artikulonte fortë akuzat në drejtim të qeverisë. Por ajo çfarë vihej re ishte mungesa e “Gardës” së vjetër në PD, të cilët e shpërfillën kreun demokrat, madje as nuk denjuan të lëshonin një deklaratë, as në rrjetet sociale.
U bë një kohë e gjatë që Patozi është zhdukur nga politika, e ndërsa Topalli ia ka mbyllur derën Bashës, duke e cilësuar si një dështak në krye të demokratëve.
https://tiranatoday.com/topalli-plas-bomben-basha-vartes-i-rames-aleanca-me-lsi-shuan-pd/
Shkëputja e saj nga jeta aktive politike, u justifikua me qëndrimin e saj të prerë, se PD çdo ditë e më shumë do të dështojë, për sa kohë ka në krye Lulzim Bashën. Nga kjo situatë përfitoi edhe Kreshnik Spahiu, ish aleati i Lulzim Bashës, ku tallej me mjerimin që e ka pllakosur atë.
Ai i kujton atij, se në mbledhjen e djeshme mungonin 100% e themeluesve të PD-së.
https://tiranatoday.com/spahiu-tallet-rende-me-bashen-berishes-i-ka-garantuar-pension-te-posacem-themeluesit-e-pd-se-jane-zhdukur/
Garda e vjetër në Partinë Demokratike as nuk ka tentuar të lëvizë, të ngrë zërin, apo të japë një mesazh indirekt. Aty nuk ishin Jozefina Topalli, Astrit Patozi, Majlinda Bregu, Arben Imami, Ridvan Bode dhe një numër të tjerë demokratësh të pakënaqur, duke dëshmuar qartazi se demokratët janë të përçarë.
TIRANA TODAY
