Barcelona ka marrë fitoren e tretë në LaLiga pasi ka shkatërruar 8 me dy debutuesit e Huescas në “Camp Nou”. Katalanasit ishin të jashtëzakonshëm në këtë sfidë edhe pse në minutat e para u duke se ndeshja do të kishte tjetër histori. Messi ka shkruar sërish emrin në historinë e La Ligas, pasi me dy asistet e dhënë në ndeshjen e sotme regjistron plot 150 të tillë, duke u bërë i pari lojtarë në shekullin e 21 që arrin këto shifra.
Huesca e nisi mjaft mirë ndeshjen, pasi gjeti golin që në minutën e 3’ me Cucho, duke i befasuar të gjithë. Por festa ka zgjatur vetëm 13 minuta, pasi është Lionel Messi që gjen golin e barazimit në minutën e 16’. Nuk zgjat shumë dhe vjen përmbysja, por me një autogol, i cili shënohet nga Pulido.
Ndërsa pa u mbyllur pjesa e parë ka shënuar edhe Luis Suarez për barcelonën, ndërsa tre minuta para përfundimit të saj Huesca ka shkurtuar diferencat në 3-2 me Gallar. Në pjesën e dytë katalanasit zbresin në fushë me një objektiv, për të shkatërruar kundërshtarin dhe “tenisi” fillon menjëherë.
Dembele shënon golin e katërt në minutën e 48’, ndërsa vetëm 4’ minuta më pas është Rakitic që thellon avantazhin. As Messi nuk e kishte mbyllur me golat, pasi shënon në minutën e 61′, ndërsa 20 minuta më pas asiston në mënyrë perfektë për Jordi Alban i cili shënon golin e shtatë. Goli i tetë dhe i fundit shënohet në kohën shtesë nga pika e bardhë e penalltisë, ku Messi ka treguar edhe njëherë vlerat e mëdha duke ia lënë ta gjuaj Suarez i cili e kthen në gol.
Barcelona është ngjitur në kuotën e 9 pikëve, po aq sa Real Madrid, por ka rimarrë kreun e renditjes falë diferencës së golave. Huesca, nga ana tjetër mban vendin e 13-të në kampionat me katër pikë pas tri javëve të para.
