Pas shortit të Champions League që u hodh një ditë më parë, sot në Montekarlo janë përcaktuar edhe grupet e Europa League 2018/19, veprimtaria e dytë për nga rëndësia në Kupa e Europës.
Interes më të madh në këtë sfidë nga tifozët ishin ekipe si Milani, Chelsea dhe Arsenal. Kuqezinjtë që kanë një histori mjaft të lavdishme në Champions, janë duke kaluar një moment të vështirë dhe tashmë janë rikthyer në kompeticionet europiane, edhe pse në Europa League. Milani do të jetë në një grup të ekuilibruar, ku do të përballet me , spanjollët e Betis Sevilla, ndërsa ekipi i katërt Dudelange nga Luksemburgu duket më i dobët në letër.
Kundërshtarët e Arsenal në Grupin E do të jenë Sporting Lisbonë, Qarabag e Vorskla. Më mirë i ka shkuar Chelsea, që duket se nuk do ta diskutojë kualifikimin në Grupin L kundër PAOK, BATE dhe VIDI.
Nga ana tjetër, Lazio e gjen veten në një grup relativisht të vështirë me Marseille, Frankfurt dhe Apollon. Finalja e “kupës së vogël” do të zhvillohet në Baku të Azerbajxhanit, më 29 maj 2019.
