Risisë së Bashkisë së Tiranës, e cila ka sjellë në kryeqytetin shqiptar për herë të parë në Ballkan sistemin e biçikletave pa stacion, “Smart Bike Share”, nuk i ka rezistuar as ambasadori i Shteteve të Bashkuara të Amerikës në vendin tonë, Donald Lu.
Gjatë një takimi me kryebashkiakun Veliaj, në zyrën e këtij të fundit, diplomati amerikan ka hipur në biçikletën “Mobike”, njëra prej mijëra biçikletave që qarkullojnë tashmë çdo ditë në rrugët e kryeqytetit shqiptar.
“Don mbi rrota. Hej @MobikeAL – Shikoni kush është tjetër tifoz në @USEmbassyTirana! Një aplikacion MOBIKE që punon njësoj për të marrë drejtues edhe nëse jeni në Kaliforni, Uashington ose Tiranë – sistemi i vërtetë i biçikletave të bike-share në telefonin tuaj”, shkruan Veliaj në rrjetet sociale.
Sikurse edhe në shumë qytete të mëdha të botës, si Parisi apo Firence, sistemi i biçikletave pa stacion është kthyer në një trend edhe për mijëra të rinj shqiptarë, të cilët gjithnjë e më shumë preferojnë këtë lloj transporti.
