Inter vazhdon të zhgënjejë në këtë sezon. Pas humbjes së javës së parë më Sassuolon në transfertë, merr dhe një barazim në “San Siro” përballë Torinos. Zikaltërit e Sapllettit kishin gjithçka nën kontroll, pasi pjesa e parë u mbyll në avantazh 2-0, por në të dytën gjithçka shkon në favor të Torinos.
Vetëm 6’ minuta lojë kishin kaluar dhe një pasim mjaft i mirë në zonë nga Mauro Icardi, kthehet në gol nga Ivan Perisic. Pas golit u duk gjithçka e lehtë dhe Interi po kontrollonte lojën e rezultatin.
Pas gjysmë ore lojë, zikaltërit realizuan golin e dytë me Stefan De Vrij, pas goditjes së dënimit të ekzekutuar nga Matteo Politano.
Pjesa e dytë nuk ka aspak lidhje me të parë, Mazzari hedh në fushë një ekip mjaft të karikuar dhe vetëm pas 10’ minutash lojë është Belotti që dërgon topin në rrjetë, pas një dalje mjaft të gabuar të Handanovic.
Torino merr kontrollin e lojës dhe rrit presionin ndaj zikaltërve, nuk vonon shumë, vjen dhe goli i dytë, me autor Soualiho Meite. Interi provon gjithçka në minutat e fundit, por Icardi nuk arrin të godasë si duhet dhe rezultati mbetet i pandryshuar.
Në ndeshjet e tjera të luajtura në mbrëmje, për javën e dytë të Serie A, Genoa, Fiorentina dhe Udinese shfrytëzon faktorin fushë duke fituar përkatësisht ndaj Empoli, Chievo dhe Sampdoria.
Në barazim pa gola u mbyll Frosinone-Bologna, kurse Sassuolo, edhe pse kishte mbetur me dhjetë futbollistë, arriti të barazojë 2-2 në Cagliari
