Kiliani ishte një ndër emrat që bënë më shumë zhurmë në merkaton e verës, që nga momenti që Bayern Munich pranoi të dëgjojë ofertat për të. Arturo Vidal ishte shumë pran Interit, por në fund vendosi që të bashkohet me Barcelonën dhe qëllimi i tij i vetëm është të fitojë Champions Leaguen, gjë që nuk e bëri dot me Juven dhe me bavarezët.
Por në një intervistë për “Mundo Deportivo”, mesfushori ka bërë disa deklarata thumbuese për UEFA-n dhe atë çfarë ka ndodhur në Champions në vitet e fundit. Ai ka gjetur momentin e duhur për të kritikuar arbitrat dhe favorizimet që bëhen në fushën e lojës, pasi këtë sezon nga çerekfinalet mund të përdoret VAR edhe në Ligën e Kampionëve.
“Titulli im i preferuar është Champions League. E di që Barcelona e ka fituar në vitet e kaluara por unë dua ta fitoj tani, dua t’i fitoj të gjitha. Me VAR, Bayern do të kishte dy tituj më shumë në Champions League.”- shprehet kiliani.
