Seriali “The Big Bang Theory” nominuar 52 herë për çmime Emmy, duke rrëmbyer 10 prej tyre, duket se i ka ardhur fundi.
Viti 2019 do të jetë dhe fundi i këtij seriali, që ka mbërthyer para ekranit të gjithë grupmoshat.
“U jemi shumë mirënjohës fansave për mbështetjen që na kanë dhënë për 12 sezone. Do të mundohemi të sjellim një finale spektakolare”, thuhet në një komunikatë për mediat.
Sezoni i 12 dhe i fundit i “The Big Bang Theory” do të nisë në 24 shtator në CBS, dhe mendohet se do të mbyllet në majin e ardhshëm.
