Hashim Thaçi ka marrë një përgjigje të fortë nga kryeministri i Kosovës. Kryeministri ka folur sërish sa i përket idesë së Presidentit Hashim Thaçi për bashkimin e Luginës me Kosovën.Ka thënë se kjo është e pamundur të ndodhë. Sipas shefit të Qeverisë, kushdo që në emër të Kosovës flet për territorin e saj në Bruksel, bën tradhti kombëtare, e ndryshimi i kufijve do të thotë luftë e re.
“Nëse Serbia na e jep Preshevën e marrim me qef, s’jam kundër. Shumë ngjarje e mirë. Por që të negocion dikush territorin e Kosovës së pavarur e shpallur më 17 shkurt në territorin e vetë nuk e ka askush këtë të drejtë. Pra nuk e ka Presidenti Thaçi ose një president tjetër apo dikush prej neve”, tha Haradinaj në Interaktiv të KTV’së.
Përgjigja e kryeministrit, duke përmendur direkt emrin e Presidentit Thaçi, tregon se askush përveç Hashim Thaçit nuk është dakort në politikën vendimmarrëse në Prishtinë për hapur ndryshimin e kufinjve. Kryeministri Haradinaj ishte i prerë në këtë pikë.
