Më 30 gusht do të jepet edhe çmimi “Futbollisti i më i mirë për sezonin 2017/18”, i cili jepet nga qeveria e futbollit europian. Në treshen favorite sipas UEFA-s janë Luka Modric, Cristiano Ronaldo dhe Mohamed Salah. Padyshim ajo që bie në sy është mungesa e një futbollisti fantastik si Lionel Messi, por që ai ndodhet vetëm në vendin e pestë.
Në një mbrëmje gala në Montekarlo do të dorëzohet edhe çmimi për më të mirin. Padyshim më i favorizuari është Luka Modric, pasi ka fituar Champions Leaguen për të tretën herë radhazi me Real Madrid, ka shkëlqyer edhe me Koracinë në Botërorin e Rusisë ku arriti deri në finale dhe u shpall lojtari më i mirë i Kupës së Botës.
Cristiano Ronaldo fitoi Champions për herë të pestë në karrierë dhe për herë të gjashtë u shpall golashënuesi më i mirë në këtë veprimtari. Gjatë verës, ai u transferua nga Real Madrid te Juventus për 100 milionë euro. Kandidati i tretë është Mohamed Salah, finalist i Champions League dhe golashënuesi më i mirë i Premier League me Liverpool.
Ndërsa sipas UEFA-s lista vazhdon në këtë mënyrë: 4.Antoine Griezmann (Atlético & Francë), 5.Lionel Messi (Barcelona & Argjentinë), 6.Kylian Mbappé (Paris & Francë), 7.Kevin De Bruyne (Manchester City & Belgjikë), 8.Raphaël Varane (Real Madrid & Francë), 9.Eden Hazard (Chelsea & Belgjikë), 10.Sergio Ramos (Real Madrid & Spanjë).
80 trajnerët në fazën me grupe të Champions League dhe Europa League, krahas 55 gazetarëve ishin ata që votuan për këtë çmim. Kandidatët për çmimet e tjera: Portieri i sezonit: Alisson Becker, Gianluigi Buffon, Keylor Navas. Mbrojtësi i sezonit: Marcelo, Sergio Ramos, Raphaël Varane. Mesfushori i sezonit: Kevin De Bruyne, Toni Kroos, Luka Modrić. Sulmuesi i sezonit: Lionel Messi, Cristiano Ronaldo, Mohamed Salah. Më i miri në Europa League: Diego Godín, Antoine Griezmann, Dimitri Payet.
