Rruga e jetëgjatësisë nuk kalon nga një dietë e varfër me karbohidrate. Ngrënia e bukës dhe makaronave në mënyrë të moderuar, duket se është rruga optimale për jetëgjatësinë dhe shëndetin.
Është kjo ajo që ka zbuluar një studim amerikan i Brigham and Women’s Hospital në Boston, i publikuar në revistën shkencore ‘The Lancet Public Health’.
Studiuesit analizuan të dhënat e mbi 15.400 personave. Rezultoi se ata që kishin ndjekur një dietë të varfër me karbohidrate dhe ata që kishin konsumuar një sasi të lartë karbohidratesh, kishin një rrezik vdekshmërie prej 70%.
Ndërkohë ata që kishin konsumuar karbohidrate si bukë dhe makarona në sasi të moderuar, rrezikonin 50%.
Sipas studiuesve, dietat me përmbajtje të ulët karbohidratesh, po fitojnë gjithnjë e më shumë terren për ata që duan të humbin peshë dhe të përmirësojnë mirëqenien.
“Megjithatë të dhënat tona sugjerojnë se mungesa e konsumit të karbohidrateve mund të reduktojë jetëgjatësinë, kështu që konsumojini në mënyrë të moderuar”, thonë studiuesit.
