Kreu i Komunës së Preshevës, Shqiprim Arifi, i bashkëngjitet liderëve të tjerë të Luginës, në mbështetje për idenë e presidentit Hashim Thaçi për korrigjimin e kufijve, por jo shkëmbimin e territoreve mes Kosovës dhe Serbisë.
I kontaktuar nga “Radio Dukagjini”, ai ka thënë se sa i takon ndryshimit të kufijve, mbetet për tu diskutuar, por kjo nuk nënkupton shkëmbim të territoreve.
“Ndryshimi i kufijve të cilën presidenti Thaçi e ka paraqit në media është një gjë për të cilën mund të diskutojmë, ama nuk nënkupton kjo edhe shkëmbim të territoreve”.
Kur flet për shkëmbimin e territoreve, Arifi deklaron se janë kundër. Ndër të tjera si thotë se duan një Kosovë të fuqishme. “Ne duam një Kosovë që do të jetë e fuqishme, dhe që veriun e Kosovës me pjesë të saj, edhe nëse kjo shkon në faturën tonë për të mbetur nën Serbi”.
