Situata në kampin e “Djajve të Kuq” sa vjen dhe përkeqësohet më shumë. Raportet mes Mourinhos dhe Paul Pogba duket se janë limite dhe mes tyre ka pasur një debat me akuza dhe fjalë të rënda.
Ishte mesfushori kampion bote me Francën ai që trazuar gjithçka me disa deklarata të bëra në përfundim të ndeshjes me Leicester Cityn. Paul Pogba preferoi të shtojë enigmat rreth vetes, duke deklaruar publikisht se nuk do të donte të zbulonte diçka më shumë prej frikës së gjobës.
Por, pikërisht pakënaqësitë e lojtarit ngjallën dhe reagimin e trajnerit portugez, që i kërkoi komunikim të drejtpërdrejtë dhe jo mediatik, në rast se dëshiron të largohet. “Nëse do të flasësh me mua, bëje përmes agjentit tim”, ishin fjalët shpërthyese të Paul Pogba, ndaj një trajneri që ka treguar më parë se menaxhon yje edhe më të mëdhenj sesa francezi.
Kështu hapet sërish një spirale teorike për largimin nga “Old Trafford”. Merkatoja angleze është mbyllur, por ajo spanjolle e ka limitin më 31 gusht, ndaj Barça mund ta presë Pogbanë deri në fund të muajit. Francezi ka arritur më parë një akord 5-vjeçar me 20 milionë euro në sezon.
