Argjentina është në pritje të emërimit të trajnerit të ri, pasi Sampaoli u shkarkua pas dështimit në Botërorin e Rusisë. Por ka një tjetër lajm të keq që raportohet së fundmi, pasi Lionel Messi është pezulluar përkohësisht nga kombëtarja dhe tashmë Argjentinës do ti duhet të luaj pa të.
Pas dështimit në Botërorë edhe ylli i “Albiçelestëve” ishte pranë largimit nga kombëtarja, por raportet e mira që ka me presidentin Tapia kanë bërë që ta mendojë dy herë dhe në fund duket se ka vendosur që të largohet përkohësisht.
Tifozët pavarësisht këtij largimi, kanë të drejtë të shpresojnë se ylli i tyre do të rikthehet sërish për të veshur fanellën e Argjentinës, por nuk dihet akoma se sa do të zgjasë ky pezullim. Argjentina do të luaj në Kupën e Amerikës e cila do të zhvillohet vitin e ardhshëm në Brazil dhe nuk dihet nëse Messi do të jetë pjesë e saj, por gjithçka pritet të sqarohet pas emërimit të trajnerit të ri.
Messi është larguar edhe më parë nga kombëtarja, por ndryshoi shumë shpejt mendim dhe mori sërish shiritin e kapitenit për ti udhëhequr drejt suksesit që nuk erdhi as këtë herë.
