Në sajë të operacionit të kodur ”Mercury”, policia ka bërë të mundur arrestimin e një 25-vjeçari, i cili posedonte një arsenal armësh. Blutë e Vlorës kanë arrestuar në flagrancë shtetasin Denis Muhametaj, 25-vjeç, banues në Llakatund, Vlorë.
Në banesën e tij, në fshatin Llakatund, janë sekuestruar në cilësinë e provës materiale 1 armë zjarri automatike model 56, 4 krehëra pistolete dhe kallashnikovi, 1260 copë fishekë pistolete dhe kallashnikovi, 3 motorra për mjete ujore me 300 kw fuqi, 3 automjete tip furgon, autoveturë dhe kamionçinë, 15.7 kg kanabis, 340 kubikë kanabis.
Materialet hetimore iu referuan Prokurorisë së Rrethit Gjyqësor Vlorë, për veprat penale ”Kontrabanda me mallra të tjera”, ”Mbajtja pa leje dhe prodhimi i armëve, armëve shpërthyese dhe i municionit”, ”Prodhimi, shitja e narkotikëve”, dhe ”Kultivimi narkotikëve”.
