U bë një kohë e gjatë që kryeministri Rama flet për rilindje në drejtësi. Ai nuk ka të ndalur para akuzave të opozitës, e ku më së shumti i mëshon faktit se procesi i Vettingut po pastron Pallatin e Drejtësisë.
Mjaft i drejtpërdrejtë në qëndrimin e tij, ai nuk ka lënë ironinë dhe thumbat ndaj PD e LSI, sa herë flitet për drejtësi. Për të, Vettingu është si ilaç gjarpërinjsh.
I palëkundur në qëndrimin e tij, kryeministri Rama ka bërë me dije edhe më herët se opozita hidhet përpjetë pas çdo goditje, por procesi nuk ka për tu ndalur.
Sipas tij, me procesin e Vettingut po goditet korrupsioni degjenerues në sistemin e drejtësisë. Këto përballje të forta duket se tashmë janë zbutur gjatë sezonit veror.
Bujar Kapexhiu, marrë spunto nga kjo situatë, ka sjellë karikaturën e radhës, duke e cilësuar si ‘llokma e fundit’. Në të shfaqet Rama me një pjesë torte ku shkruhet “Drejtësia”.
