Nga Lefter Çipa/Ja dhe një burrë madhor, po i mërgon kombit dhe në veçanti Kosovës. Një hidhërim i kombit për burrin e ditur, trim e të paepshëm.
Historia e këtij burri buroi i mbetet dhe i përket kombit, por në veçanti Kosovës. Ndiejmë një gur në zemër. E ky gur le të dritësojë për breza historinë e shqiptarizmës!
Shqipëria gjithmonë ka nxjerrë burra të mendjes, por në një moment final për Lirinë e Kosovës Adem Demaçi u lartësua si hero dhe profet.
Për këtë arsye për gjithë shqiptarët Adem Demaçi, mbetet një yll i ylberizuar në shpirtin dhe ndërgjegjen e kombit.
Ne shqiptarët dhe tërë Shqipëria le t’i japim ngushëllimet familjes Demaçi. Jemi pjestarë të këtij ngushëllimi. Por jemi të sigurt se pasardhësit e tij do ta dritësojnë historinë e Adem Demaçit ndër brezat që do vijnë…
Le ta quajmë ringjallje jetën e Adem Demaçit! Njerëz të tillë kanë bërë historinë e pavdekësisë dhe mbeten në pavdekësi.
I lulëzoftë shpirti në shqiptarizmin e përhershëm!
P.S: Ky album me fotografi ne Sarandën e verës së 2012, u mundësua ish-kryetari i Bashkisë së Sarandës, ndërsa inicioi dhe realizoi ceremoninë e nderimit të Heroit Shqiptar Adem Demaçi me titullin “Nderi i Sarandës” dhe i zyrtarizoi passaportizimon si qytetar i Sarandës.
