Premtimet e socializmit janë tërheqëse, në fillim, por qytetarët përfundimisht humbasin lirinë e tyre, paralajmëron një emigrant që ka iku nga Shqipëria për në SHBA.
Peter Lumaj, tani një aktivist konservator në SHBA, tha të dielën për Fox News se pavarësisht nga premtimi për mallra dhe shërbime falas, “Socializmi po bëhet një sistem i madh i burgjeve pa fund”:
“Fjalët më të zakonshme që përdorin, kur flasin për socializmin, është se po u japin njerëzve gjëra të lira. A nuk e bëjnë këtë edhe me sistemin e burgjeve? Socializmi po bëhet një sistem i madh i burgjeve pa fund – ku ofrojmë shërbime falas për njerëzit. Por, përsëri, popullsia humbet lirinë e saj dhe mundësinë për të shpëtuar. Amerika është në të njëjtën rrugë, duke përdorur joshjen e retorikës së rishpërndarjes për të fituar mbështetje nga socializmi. Por, në fund, socializmi gjithmonë dështon – prandaj, çdo ditë, njerëzit ikin nga vendet socialiste për të ardhur në SHBA’, tha Lumaj.
“Ajo që ne kemi bërë në Shtetet e Bashkuara në vitet e fundit, është se ne po u promovojmë të njëjtën gjë, ku njerëzve u premtohen gjëra të lira. Dhe, kjo tingëllon mirë kur ju u thoni atyre se ne do të marrim pronën e dikujt tjetër dhe do t’ia japim të tjerëve që nuk punojnë.
Dhe, është një ofertë joshëse, kur njerëzve u premtohet se nuk duhet të bëni asgjë pasi gjërat bazë i keni. Por, kjo nuk funksionon deri në fund. Nëse është kështu, do të shihnim që njerëzit do largoheshin nga vendet kapitaliste dhe do iknin sërish në vendet socialiste. Por ne e shohim të kundërtën çdo ditë ku njerëzit ikin nga shoqëritë komuniste dhe socialiste dhe po lëvizin drejt perëndimit ku kemi kapitalizëm”.
Burimi: cnsnews.com
Përshtati: Tirana Today
