Elseid Hysaj do të vazhdojë të jetë pjesë e Napolit dhe shumë shpejt pritet të rinovohet dhe kontrata e tij. Shkodrani do të jetë nën urdhrat e Carlo Ancelottit dhe po provohet në shumë pozicione në mbrojtje. Napolitanët vazhdojnë stërvitjen parasezonale dhe aty Hysaj është bërë protagonist dhe driblimi që i ka bërë shoku i skuadrës ka pushtuar rrjetet sociale.
mbrojtësi kuqezi është “dehur” nga një sërë fintesh, të sulmuesit anësor të Napolit, Ounas. Sulmuesi algjerian mori një top dhe dribloi bukur shkodranin, para se të godiste shumë metra mbi portë, ndërsa momenti i fintes u shoqërua me brohorima nga të pranishmit në Dimaro.
Videoja i shpërnda në rrjetet sociale të skuadrës së Napolit, me diçiturën “Ounas, po tallesh?!”, ndërsa nuk munguan as ironitë e tifozëve, mbi faktin se pavarësisht driblimit të bukur, goditja përfundoi në tribunë.
