Fshati ku ka lindur Ozil merr vendimin: Do ta largojmë këtë foto

Pas vendimit për tu tërhequr nga kombëtarja gjermane dhe akuzave për racizëm dhe mbrojtjes që bëri ndaj presidentit Erdogan dhe vendlindjes Ozil është kthyer në një ndër njerëzit më të dashur në Turqi. Mesut Ozil ishte një ndër lojtarët kryesor të Gjermanisë për afro 10 vite, por një foto me Erdogan në Londër trazoi ujërat dhe e bëri atë të “padëshirueshëm” për tifozët dhe një pjesë të madhe të elitës.Ndërsa në vendlindjen e yllit turko-gjerman të futbollit shumë shpejt do ta ndërrojë fotografinë ku ai pozon me fanellën e Gjermanisë me atë ku Ozil shihet me presidentin turk, Recep Tayip Erdogan. “Do ta largojmë këtë foto dhe do ta vendosim atë me presidentin Erdogan”, ka thënë kryetari i bashkisë së Devrek, Mustafa Semerci.

Devrek është një distrikt në pjesën veriore të provincës turke Zonguldak, e cila është e famshme për përpunimin me dorë të shkopinjve të drurit. Qyteti i vogël e ka emëruar sheshin kryesor pas Mesut Ozil, pas suksesit të këtij të fundit në vitin 2014 me Gjermaninë, ku u shpallën kampionë të botës.Familja e Ozilit vjen nga fshati Hishiroglu, vend të cilin futbollisti e kishte vizituar në vitin 2011 kur ishte pjesë e Real Madridit. “Jemi krenar me vendimin e Mesutit për largimin nga kombëtarja e Gjermanisë. Në këtë fshat të gjithë e duam atë dhe do ta përkrahim gjithnjë”, ka thënë kreu i fshatit Abdurrahman Yanaz.