Një person ka mbetur i plagosur, si pasojë e një aksidenti shënuar në orët e para të ditës. Burime nga policia bëjnë me dije se dy mjete janë përfshirë në një aksident rrugor, e ku për pasojë një person, identiteti i të cilit ende nuk bëhet me dije, ka mbetur i plagosur.
Aksidenti ka ndodhur në aksin rrugor Elbasan-Ish-Kombinati Metalurgjik, pranë një karburanti. Personi që ka marrë plagë është transportuar me urgjencë në spitalin e Elbasanit.
Bluzat e bardha thonë se fatmirësisht ai ndodhet jashtë rrezikut për jetën.
Si pasojë e përplasjes janë dëmtuar pjesërisht automjetet e përfshira në aksident. Policia tashmë ka nisur hetimet, për rrethanat dhe shkaqet e aksidentit.
