MotoGP/Marquez “mbret” në Gjermani, Rossi e mbyll i dyti

Çmimi i Madh i Gjermanisë në Moto GP i takon Marc Marquez. Në pistën e Sachsenring spanjolli vendos diktatin dhe bën një hap të rëndësishëm drejt titullit kampion bote. Marquez e nisi garën i pari dhe e dominoi deri në fund, duke lënë pas Yamahan me Valentino Rossin dhe Maverick Vinales, që vetëm në xhiron e fundit arriti të parakalojë Petrucci, i katërti.Triumfi i gjashte radhazi në pistën gjermane për pilotin spanjoll të Honda, pistë ku ai ndjehet si në “shtëpi” dhe nuk lë asnjëherë shanse për kundërshtarët. “Doktori” u përpoq gjatë gjithë garës të bënte diçka më shumë por në fund duhet të kënaqeshe vetëm me vendin e dytë. Më e bukur beteja për vendin e tretë, ku në fund Vinales mposht Petruccin. Zhgënjen motori Ducati, në vendet 6-7 me Lorenzo e Dovizioso, që nuk ishin në gjendje të rivalizonin, sidomos në pjesën e dytë të garës.