Pavarësisht kapriçove të motit, njerëzit kanë filluar zyrtarisht pushimet. Kjo gjë vihet re në rrugët e kryeqytetit i cili këtë fillim korrik, si çdo vit është me më pak njerëz. Kjo pasi shumë i janë drejtuar bregdetit, kush në Durrës e të tjerë kanë zgjedhur jugun.
Por, përsëri edhe këtë verë kryefjalët e sezonit mbeten shërbimi, pastërtia dhe çmimet. Qytetarët tregojnë për Tirana Today eksperiencën e tyre më të keqe. Ku sipas tyre çmimet e larta dhe shërbimi i cili lë për të dëshiruar, bën që shumë shqiptarë të zgjedhin vendet e rajonit për të kaluar pushimet e tyre të verës.
“Mbeturinat janë shumë shqetësuese, përgjithësisht në Durrës është situata më keq. Çmimet po ashtu, janë pak të shtrenjta për ekonominë e shqiptarëve.”
“Jam shumë i pakënaqur nga mënyra e sjelljes së recepsionit dhe kushteve që nuk janë shumë të mira. Shërbimi i tyre lë për të dëshiruar,”-janë disa prej reagimeve të qytetarëve. TIRANA TODAY
