Policia italiane ka shkatërruar një bandë shqiptare, si dhe ka bërë të ditur emrat e anëtarëve të këtij grupi kriminal. Sakaq, mediat italiane duke iu referuar autoriteteve vendase kanë zbardhur edhe kodet që grupi përdortë për të mos u identifikuar nga ana e karabinierëve.
Kur ata flisnin në telefon, ata flisnin për verë, për ata me këtë fjalë nënkuptonin drogën.
Policia ka filluar hetimin për rastin në fjalë që në vitin 2015, pasi disa të shtëna ishin regjistruar në një vend parkim makinash në Ravenna. Sipas hetuesve, banda ishte bashkimi i dy grupeve: një grup shqiptarësh që ishin edhe furnizuesit, ndërsa grupi i tunizianëve ishin ata që e shisnin me pakicë.
Siç raportojnë mediat lokale, janë ekzekutuar 7 nga 6 urdhër-arreste të lëshuara nga prokuroria dhe të zbatuara në operacionin policor të koduar “Amarcord” mbrëmjen e djeshme (8 Korrik) dhe gjatë natës.
HETIMET: Sipas autoritete italiane: Hetimet nisën pas të shtënave që u shënuan më 16 Maj 2015 në parkingun e urgjencës së Spitalit të Ravenna-s. Në atë rast, u arrestuan një tunizian, Abdessalem Aissaoui 40 vjeç dhe italiani Francesco Liuzzi 37 vjeç, për tentativë vrasje ndaj 32-vjeçarit shqiptar Xhevahir Gjojdeshi. Të dy të arrestuarit së bashku me një bashkëpunëtor të tretë qëlluan 10 herë kundër shqiptarit, por pa e goditur.
Hetimet e mëvonshme kanë zbuluar se origjina e atij konflikti ka ardhur pas mosmarrëveshjeve mes dy bandave që bashkëpunuan me njëra-tjetrën në trafikun e drogës në Ravenna.
Siç e kanë përcaktuar hetuesit sot, grupet janë dy, të dallueshme nga njëri-tjetri:
E para është një bandë e trafikantëve të drogës (kokainë, heroinë) që përbëhet nga shqiptarët. Kryesisht ata trafikonin në Itali, kokainë nga Shqipëria. Pas importit në Itali, e përpunonin e më pas e shpërndanin te shpërndarësit e drogës. Karabinierët kanë konfiskuar një laborator me mbi 20 kg drogë (heroinë e kokainë), të krijuar në një banesë në zonën “Lido di Classe”.
Banda e dytë, ajo e shpërndarësve, përbëhej nga tunizianë. Këta të fundit shpërndanin drogën kryesisht në qytetin e Ravenna-s, por edhe në zonat përreth.
Aktiviteti i dy grupeve ka vazhduar nga viti 2015 deri në vitin 2017. Pastaj erdhën hetimet dhe aksioni ku gjashtë persona u arrestuan, të cilët janë:
Avni Avduli 42- vjeç nga Shqipëria
Elton Avduli 37-vjeë, po nga Shqipëria dhe është vëlla me Avniun
Irakli Papa 38-vjeç nga Shqipëria
Fatjon Sanxhaku 28-vjeç nga Shqipëria
Rochdi Iuissaoui 32-vjeç nga Tunizia,
Noamen Issaoui 37-nga Tunizia
Khatrin Valeriani 32-vjeç nga Italia
Aksioni: Ekzekutimi i masave të arrestit janë kryer mbrëmjen e djeshme dhe gjatë orëve të natës nga karabinierët e Ravenna-s dhe të Riminit. Operacioni çoi në sekuestrimin e rreth 26 kg drogë dhe 39.000 euro KESH. Para që sipas hetuesve, dyshohet se janë përfituar nga aktiviteti i paligjshëm i trafikut të drogës.
Sipas hetuesve, aksioni është një goditje e madhe ndaj trafikut të drogës në Ravenna dhe dy bandat kishin një profil të rëndësishëm kriminal dhe një qarkullim total prej miliona eurosh.
Burimi: ravennaedintorni.it
Përshtati: Tirana Today
