Në një analizë të botuar sot në gazetën Kathimerini shkruhet se Ilir Meta është personi që po pengon marrëveshjen midis dy vendeve për çështjen e detit midis Greqisë dhe Shqipërisë.
Sipas gazetës greke, përveç dimensionit politik të çështjes, negociatat me Shqipërinë shpesh janë të komplikuara nga balancat e ndjeshme politike në vendin fqinj.
Ajo shkruan se negociatat mund të ngrijnë përkohësisht nisur edhe nga zgjidhja përfundimtare të çështjes së emrit me Maqedoninë.
Por, media greke rreh më shumë drejt Shqipërisë kur kujton se “atje, Presidenti shqiptar Ilir Meta duket mjaft skeptik rreth miratimit të një marrëveshje që Kryeministri Edi Rama duket të jetë më i gatshëm për të ecur përpara”.
Gazeta më e madhe greke konstaton qëndrimin e Athinës zyrtare sa i përket çështjes çame. “Çështja “Çamëria”, është komunikuar në mënyrë të përsëritur nga pala greke, se nuk është pjesë negociatash”, shkruan Kathimerini.
Në këtë kohë, megjithatë, janë ndërmarrë hapa individualë për çështje të politikës së ulët, siç janë heqja e çmimeve konsullore (për shqiptarët) ose njohja e lejeve të drejtimit, ose patentave shqiptare. Ndërkohe që çështja e ushtarëve të rënë gjatë luftës greko-italiane në vitet 1940-41 është në proces.
Në përputhje me atë që është deklaruar nga udhëheqja e Ministrisë së Jashtme, është bërë përparim edhe në çështjet që kanë të bëjnë me të drejtat e pakicës etnike greke në Epirin e Veriut. Çështjet në pritje përfshijnë heqjen e ligjit te luftës, si në anën greke dhe në anën shqiptare, pasi ajo përfshin disa vështirësi ligjore.
