Vijnë sulmet e para, eksperti anglez: Shaqiri një ‘zhgënjim”

Zvicra u eliminua nga Botërori pasi e mposhti Suedia me rezultatin e ngushtë 1-0 në fazën e 1/8-ave. Performanca e zviceranëve në fushë nuk ishte më e mira dhe kjo ka bërë që kritikat të vërshojnë mbi lojtarët. Sulmi i parë ka ardhur nga ish-lojtari i Manchester United dhe Everton, Phil Neville, i cili gjatë komentit në BBC dhe SKY Sports si ekspert ka shigjetuar Xherdan Shaqirin. Ai e ka cilësuar anësorin e Stocke City si një “zhgënjim” dhe se me një lojtarë të tillë nuk mund të punohet.“Unë nuk jam fans i Shaqirit. Ai ishte një zhgënjim te Stoke dhe qëndrimi i tij ishte shokues. Ai e distancoi veten nga pjesa tjetër e skuadrës dhe mua nuk më pëlqen të punoj me lojtarë të tillë”-tha ai.Edhe pse Shaqiri ka zhvilluar disa ndeshje mjaft të mira në Botërorin e Rusisë dhe ka gjetur rrugën e rrjetës, ka mjaftuar një ndeshje që ai të “kryqëzohet”. Muajin e fundit është folur gjatë se ai mund ti bashkohet Jurgen Klopp tek Liverpool, pasi ka vendosur që do të largohet nga Stoke tani që ekipi ra nga Premier League.