Bibliotekës Kombëtare jo vetëm i është vënë zjarri, por edhe e përmbytën. Vjet, flakët e zjarrit përfshinë Bibliotekën Kombëtare, duke shkaktuar një dëm kolosal në librat me vlerë historike dhe të rrallë. Në tentativë për të harruar këtë histori, Biblioteka rikthehet sërish në fokus, por në këtë rast duke u përmbytur.
Teksa gazetarët kishin një interes të shtuar për të parë ambientet, e për çdo gjë për ta memorizuar, Drejtoresha e Bibliotekës Kombëtare ua ka prerë shkurt. Persida Asllani, në një prononcim për mediat, duke mos hezituar të nënvizonte faktin se Biblioteka ndodhet jashtë çdo standarti, nuk la gazetarët për të parë gjendjen.
Sistemi i kullimit të ujrave të Sheshit Skënderbej nuk ka funksionuar siç duhet, dhe për pasojë ujërat e shumta të shiut kanë përmbytur godinën e Bibliotekës Kombëtare, njësoj si dhe atë të Bashkisë Tiranë.
Punimet për pedonalizimin e sheshit Skëndërbej dhe për ndërtimin e parkimit nëntokësor, kanë prishur nivelin e vendosjes së pusetave që mbledhin ujin e sheshit, duke krijuar kështu mundësi për përmbytje të vazhdueshme të godinave përqark sheshit. Por si për ironi të fatit, sheshi Skënderbej ka marrë një çmim ndërkombëtar.
Ajo çfarë nuk shkon, ka të bëjë me faktin se pavarësisht këtij promovimi, një ndër institucionet më të rëndësishme në vend është përmbytur, duke hedhur poshtë propagandën boshe të qeverisë.
TIRANA TODAY
