4 milionët eurot e kapura në Durrës, kanë rindezur debatin mbi pastrimin e parave të drogës. Kanabizimi i vendit vitet e fundit, vlerësohet se ka gjeneruar miliarda euro të ardhura për trafikantët.
Sipas ekspertëve, ndërtimi dhe lojërat e fatit janë sektorët më të përdorur si “lavatriçe” të parave të pista.
Opozita ka akuzuar Edi Ramën, se 25 kullat e reja shumëkatëshe në qendër të Tiranës, do të ndërtohen pikërisht me paratë e drogës.
LEXO EDHE: Toyota me 3.4 milionë euro/PD akuzon Ballën: Ti je garanti për hyrjen e tyre në Shqipëri
Ndërkohë Rama ka deklaruar se njerëz pranë PD, tentuan të trafikonin kokainën që u kap po në Durrës pak muaj më parë, me një vlerë 180 mln euro.
Të enjten Lulzim Basha paralajmëroi këtë ngjarje, duke akuzuar si përgjegjës socialistin Taulant Balla. Informacionin për këtë sasi të madhe parash të thata, policia shqiptare e kishte marrë nga Interpoli.
LEXO EDHE: (Video) Basha paralajmëroi 3 ditë më parë kapjen e Toyota Yaris me miliona euro
Por përse Basha e dekonspiroi operacionin, duke nxituar ta keqpërdorë për betejën politike? A druhej ai se paratë do të lejoheshin të shkonin në destinacion, tek Balla dhe njerëzit pranë qeverisë, sikurse pretendon PD?
Apo ndërhyri për të shpëtuar ndonjë biznesmen-trafikant pranë PD, sikurse pretendon Edi Rama? Si rregull këto pyetje duhet t’u japë përgjigje prokuroria, dhe fajtorët t’i ndëshkojë më pas gjykata.
Por me sa është parë deri tani me skandalin Sota-Tahiri, ka pak shpresë se edhe kjo ngjarje e rëndë, do të mund të shkelë paktin e heshtur mes palëve.
TIRANA TODAY
