Belgjika ka zhvilluar një ndeshje të madhe përballë Tunizisë duke e shkatërruar me rezultatin e thellë 5-2. Edhe njëherë të besuarit e Martinez treguan se janë një ekip solid që mund të shkojë shumë larg në këtë Botëror. Tunizianët edhe pse e dinin që do të jetë e vështirë nga minuta e parë luajtën një lojë të hapur dhe me aksione spektakolare, ku emocionet u rritën më shumë pasi në 18’ minuta ishin shënuar tre gola. Belgjika arriti të kalonte e para në avantazh me penalltinë e Eden Hazard që në minutën e 6’.
Ndërsa Romelu Lukaku ka shënuar golin e dytë në minutën e 16’, një gol mjaft të bukur tipik për një qendërsulmues. Vetëm dy minuta më pas gjithçka rihapet përsëri dhe Tunizia shënon me anë të Bronn.
Por përpara se lojtarët të drejtoheshin drejt dhomave të zhveshjes për të bërë 15 minuta pushim, ishte Lukaku ai që shënoi dopietën e tij pas pasimit të Munier. Lukaku është bërë lojtari i parë që pas Diego Maradona-s më 1986 që shënon më shumë se një gol në dy ndeshje radhazi.
Në pjesën e dytë ishte vetëm Belgjika, në minutën e 51 është sërish Hazard që shënon golin e dytë personal në këtë sfidë, pas një asisti të mrekullueshëm nga De Bruyne.
Në minutat në vazhdim Belgjika u mundua të shënonte më shumë gola, por vetëm fati ka qenë kundër Djajve të Kuq, që duhet të kënaqen me një poker në ndeshjen e dytë të fazës së grupeve. Ndeshja e tretë do të jetë ndaj Anglisë, aty do të vendoset se kush do të dalë në krye të grupit.
