Mladen Krstajiç, trajneri i Serbisë ka shprehur ankesa ndaj arbitrit Felix Brych nëpërmjet një postimi në Instagram. Sipas tij gjatë përballjes me Zvicrën arbitri kishte favorizuar helvetët dhe nuk kishte akorduar një penallti në favor të Aleksandar Mitrovic, i cili u rrëzua brenda zonës nga dy futbollistë të Zvicrës.
“Për fat të keq, vetëm serbët dikur gjykoheshin në drejtësi selektive, dikur ishte e mallkuara Hagë, kurse sot në futboll është VAR”, shkroi Krstajiç, bashkuar me fotografinë e rastit në fjalë të publikuar në Instagram.Ankesa ndaj arbitrit gjerman kishte edhe kapiteni i Serbisë, Kolarov. Ky i fundit kishte ankesa për gjykimin dhe për komunikimin në gjuhën gjermane me futbollistët dhe shtoi se i ishte lutur disa herë që të fliste në anglisht.