Neymar, presidentit: Nuk jam i lumtur, dua të largohem nga Parisi

E ardhmja e Neymar nuk është akoma e qartë, ai vazhdon të mbetet në dilemë nëse do të qëndrojë në Paris apo do ti bashkohet Real Madridit. Programin televiziv “El Chiringuito” ka plasur “bombën” e merkatos pasi ka deklaruar se ylli brazilian i ka komunikuar presidentit të PSG-së, Nasser Al-Khelaïfi që dëshiron të largohet. E gjitha ka ndodhur gjatë festimeve të titullit të Ligue 1, pasi Neymar nuk është i lumtur dhe i kënaqur në Paris.Sipas Josep Pedrerol, gazetar dhe prezantues i programit, Neymar pret që klubi të lehtësojë largimin e tij, në mënyrë që të dyja ekipet, PSG dhe Real Madrid, të fillojnë negociatat. Prezantuesi i “El Chiringuito” ka thënë, gjithashtu, se te PSG-ja duan ta ndalojnë Neymar të largohet.Pedrerol ka nënvizuar se te Real Madridi presin një bisedë të dytë midis yllit brazilian dhe klubit parisien, duke e lënë në dorë të lojtarit largimin e tij nga PSG-ja, pa ndërhyrë në këtë pikë.