Pamje shokuese janë publikuar në mediat online ku në barkun e një pitoni 8 metra të gjatë është gjetur trupi i një nëne.
Ishin personat lokalë të cilët kanë goditur gjarprin dhe me pas me anë të një thike kanë çarë barkun e tij për të nxjerrë nënën e dy fëmijëve.
54 vjeçarja, ishte gëlltitur me gjithë rroba nga gjarpri gjigand.
Gruaja e identifikuar me emrin wa Tiba ishte parë për herë të fundit në kopshtarinë e shtëpisë së saj në juglindje të Sulawesi, Indonezia, të enjten në mbrëmje.
Dy djemtë e saj u shqetësuan kur nënë e tyre nuk ishte kthyer në shtëpi.
Sipas asaj që shkruan DailyMail, nëna e dy fëmijëve ishte parë për herë të fundit duke ujitur bahçen në shtëpinë e saj mbrëmjen e së enjtes.
Por kur nuk mundën ta gjenin gjëkundi, dy djemtë e saj u shqetësuan dhe nisën ta kërkonin. Pas pak kohësh ata gjetën sandalet e saj, ndërsa rreth 30 metra më tutje, fëmijët zbuluan gjarprin gjigand me barkun e fryrë.
Të tmerruar për atë që dyshonin se mund t’i kishte ndodhur nënës së tyre, fëmijët telefonuan policinë. Me qindra banorë u mblodhën në fshatin e largët Mabolu. Ata e vranë fillimisht pitonin dhe më pas e hapën, duke gjetur trupin e pajetë të gruas.
Banorët e përshkruajnë të gjithë këtë ngjarje si tronditëse. “Është si një film horror. Njerëzit janë të tmerruar. Kemi frikë të dalim jashtë… e vetmja gjë që mund të bëjmë është të lutemi”, tha një banor.
