Kryeministri Edi Rama ka premtuar sot në Lurë projektet e rëndësishme të zonës, duke nisur nga rruga e Lurës që e ka bërë të pamundur lëvizjen në këtë zonë dhe ka mbajtur larg turistët.
“Kjo rrugë kërkon aventurierë, ose hallexhinj si ju që doni s’doni, do e bëni këtë rrugë”- tha Rama gjatë takimit me banorë të zonës sot paradite.
Rama ka premtuar se do ta bëjë këtë rrugë. “Kjo na bëhet kafshata e dytë e madhe për buxhetin, se kafshatat e mëdha do i lëmë në Dibër, së bashku me Rrugën e Arbrit. Edhe kjo rrugë e bukur të thuhet dhe të bëhet por nuk është kafshatë e lehtë se do fond të konsiderueshëm. Ne nuk do e lëmë rrugën pa e bërë, vetëm mos filloni që sot në FB të më thoni pse nuk u bë rruga, se nuk bëhet kaq kollaj sa thuhet fjala”- tha Rama.
Por gjatë takimit të tij ai ka bërë edhe një bashkëbisedim me banorët atje.
Një banore i ka kërkuar Ramës që t’i japë ndihmën ekonomike pasi është e vetme dhe nuk ka as shtëpi dhe as njeri që ta ndihmojë.
Selvije Deda: Përshëndetje Zoti. kryeministër! Jam e vetmuar, nuk më kanë dhenç ndihmë ekonomike. Po vuaj për bukën e gojës. Nuk kam as djalë as njeri që të më ndihmojë. Si do t’i bëhet hallit tim?
Rama: Me problemin tuaj do të merrem pas takimit.
