Një episod aspak miqësor ka ndodhur në kampin e belgëve, të cilët janë duke u stërvitur për ndeshjen e parë në këtë Botëror. Protagonist ishte ylli i Manchester Cityt, Kevin De Bruyne i cili ka dalë nga vetja dhe ka bërë një ndërhyrje “vrasëse” ndaj Adnan Januzajt.
Mesfushori me orgjinë shqiptare i cili luan për Real Sociedad, është shmangur në momentin e fundit me shumë fat dhe ka shpëtuar këmbët e tij nga një thyerje e sigurt. Në një moment që nuk pritej kur topi ishte pothuajse në rivënie anësore De Bruyne rrëshqet si i ‘tërbuar’, duke çuar në ajër Januzaj. Çuditërisht loja vazhdon pa ndërprerje dhe asnjë nga shokët e skuadrës apo stafit nuk kujdeset për Januzajn.
Nuk dihet përse futbollisti i City-t u shfaq në këtë version, por janë 2 mundësi. Ose Januzaj e ka provokuar De Bruyne-n, ose dy futbollistët po luftojnë për një vend titullari.
