Një 55-vjeçar është përplasur nga një automjet në Berat. Aksidenti është shënuar mëngjesin e sotëm, në vendin e quajtur Moravë, në Berat.
Policia njofton se aksidenti ka ndodhur rreth orës 06:45 minuta, ku shtetasi me inicialet N.S., banues në Kuçovë, ka aksidentuar këmbësorin A.P., 55-vjeç.
I plagosuri ndodhet në spitalin e Beratit, nga ku mësohet se është në gjendje të pastabilizuar. Lidhur me këtë aksident, uniformat blu kanë ndaluar drejtuesin e automjetit.
