Mesa duket, bukuroshja Klea Huta së shpejti do ta shohim në ekranin e “Top Channel”. Sipas burimeve pranë “Blitz.al”, Klea do të prezantojë një emision të ri në “Top Channel”, i cili do ti dedikohet personazheve shqiptar që janë bërë të njohur jashtë vendit.
Në fillim u përfol se këtë emision do e prezantonte motra e këngëtarit Dren Abazi, Rina, por siç duket “Top Channel” ia ka besuar Kleas. Po sipas këtyre burimeve, ky emision do të përbëhet nga 12 puntata, ku do intervistohen 12 personazhe të njohur të cilët jetojnë jashtë Shqipërisë. Për këtë arsye, stafit do t’i duhet të udhëtojë në vende të ndryshme të botës si Amerikë, Angli, etj.
Ndër të tjera, pjesë të këtij emisioni do të jenë Emina Cunmulaj, Angela Martini, Ermonela Jaho, etj. Gjithsesi ky burim mbetet në kuadrin e një thashethemi, pasi ende nuk ka një gjë të konfirmuar nga vetë moderatorja, ose ndoshta ka zgjedhur që të na e bëjë surprizë gjatë sezonit të ardhshëm.
Ajo është një vajzë tepër e talentuar, dhe këtë e ka treguar në prezantim, aktrim dhe së fundmi në muzikë.
