Mes Salzburgut dhe Sampdorias, Valon Berisha zgjedh Vlorën

Pas performancave mjaft të mira me Salzburgun në Europa League, mesfushori kosovarë ka ndezur merkaton e verës. Fillimisht ishte Lazio dhe më pas Sampdoria e cila duket se është duke diskutuar detajet e fundit. Kur priteshe që Valoni të zbarkonte në Itali, ai ka zgjedhur që fillimisht të kalojë nga Vlora.Berisha përflitej si një përforcim i mundshëm në kampionatin anglez, ku shumë klube e kishin monitoruar ecurinë e tij te Salzburgu. Akordi mes palëve është arritur dhe Sampdoria ka rënë dakord që të paguajë 8 milionë euro në arkat e Salzburg. Por mbetet të arrihet akordi me Berishën, i cili në këto momente ka preferuar që të lërë në pritje italianët.Arsyeja është se ai gjendet me pushime në bregdetin e Vlorës dhe dëshiron që të merret me futbollin vetëm pasi të ketë kaluar disa ditë i qetë me të afërmit e tij. Ndaj marrëveshja ka mbetur në vendnumëroi, me Sampdorian e Salzburgun që presin një telefonatë nga Shqipëria, për të mësuar se çfarë vendimi ka marrë mesfushori i Kosovës.