Francezët në mbështetje të Balotellit: Lëkura e zezë…

Të premten në mbrëmje u zhvillua miqësorja mes Francës dhe Italisë në Nice. Në një qytet ku Mario Balotelli është idhull. Tifozët atje e duan shumë dhe këtë e kanë treguar edhe në prag të kësaj miqësoreje. Ata kanë dalë kundër italianëve në lidhje me racizmin për sulmuesin, pasi italianët shkruan në një baner: “Kapiteni im ka gjak italian!”. Kjo ishte një lloj proteste nga ana e tyre nga fjalët që qarkullonin se Mancini do ta bënte kapiten Balotellin.Përgjigja e Balotelit nuk vonoi, duke thënë se jemi në vitin 2018, dhe njerëzit duhet të zgjohen pas diçkaje të tillë. Por, në miqësoren e mbrëmshme në Nicë, ku Italia luajti ndaj Francës, ishin pikërisht tifozët vendës të Nicës, ku Balo edhe luan, që shkruanin në një banderolë: “Lëkurë e zezë, gjak i kuq. Mario, këtu je kapiten.” Gjithsesi, policia nuk e lejoi këtë banderolë të futej në stadium, por tifozët e shfaqën edhe jashtë në rrugët pranë stadiumit.