Mesazhi i Ramos për Zidane: Si lojtar dhe si trajner ike kur…

Atmosfera tek Real Madrid nuk duket aspak e qetë, pasi trajneri Zinedin Zidane ka dhënë dorëheqjen në mënyrë të papritur. Ky lajm padyshim ka tronditur kampin madrilen, pasi nuk priteshe që në një moment të tillë të largohej numri një i pankinës. Kapiteni i “los blancos” ka reaguar me anë të një postimi në “Instagram” ku nuk i kursen aspak fjalët e mira dhe lëvdatat për francezin i cili në dy vite e gjysmë fitoi plot 9 trofe, mes tyre dhe tre Champions League radhas.“Si lojtar, e tani si trajner vendose të largohesh kur je në majën më të lartë. Faleminderit për dy vjet e gjysmë të futbollit, punës, dashurisë dhe miqësisë. Ju largoheni, por trashëgimia juaj tashmë është e pashlyeshme. Një nga kapitujt më të suksesshëm në historinë e Real Madrid”, shkruante Sergio Ramos.