Shqipëria u kthye disa vite më pas me ndeshjen që zhvilloi përballë Kosovës, ku u mposht me rezultatin 3-0. Trajneri i Shqipërisë, Cristian Panucci, deklaroi se sot lojtarët e përfaqësueses nuk luajtën, nuk luftuan dhe nuk patën zemër. Ai ka kërkuar që ti marrë të gjitha përgjegjësitë vetë dhe se ai nuk e kishte karikuar skuadrën si duhet.
“Ishim zero. Përgjegjësi jam unë. Sot, të gjitha kritikat janë të drejta. Mund të humbasësh, por jo kështu. Vuajtëm më shumë sot sesa kundër Italisë dhe Spanjës”, theksoi trajneri italian.
Panucci u shpreh se është treguar i butë me lojtarët gjatë javës dhe këtë gjë nuk do ta përsërisë më.
“Mendova se me Kosovën nuk ishte nevoja ta karikoja shumë ndeshjen. Marr përgjegjësinë. Ishim shumë të shëmtuar për të menduar se kjo është Shqipëria ime e vërtetë. Jam treguar i butë, por nga sot do të vendos dorë të hekurt”, deklaroi Panucci.
