Liverpool pas dështimit në finalen e Champions League ka bërë menjëherë investimin e parë mjaft të rëndësishëm, në një repart ku kishte nevojë për ndërhyrje. “The Reds” ka derdhur plot 50 milionë euro, plus bonuset në arkat e Monacos për mesfushorin Fabinho dhe këtë e ka konfirmuar nëpërmjet Twitter.
Ishte një garë e fortë mes Liverpool dhe Atletico Madridit, por duket se në fund ai është bindur për të luajtur në Premier League, po ashtu dhe Monaco ka vlerësuar si më të kënaqshme ofertën e anglezëve.
Manchester United kishte muaj që përflitej për një transferim të brazilianit, dhe thuhej se ishte në kontakt të vazhdueshëm me përfaqësuesit e Fabinho-s, të cilët mesa duket nuk kanë gjetur akordin me Djajtë. Në mbrëmjen e së hënës, Liverpool ishte në pole position për firmën e lojtarit, duke bërë një ofertë që është pranuar menjëherë nga Monaco, dhe tani Anfield do të jetë destinacioni i radhës së lojtarit.
