Messi “shet” Barcelonën për një triumf me Argjentinën

Lionel Messi ka treguar edhe njëherë se sa shumë e vuan mungesën e një trofeu me kombëtaren e Argjentinës. Ai është shprehur se ishte i gatshëm që ta ndërronte një titull të fituar me Barcelonën, për një të tillë me kombëtaren. Messi ka provuar në dy finale përballë Kilit, por në asnjërën nuk ia doli. Në Botërorin e Brazilit po ashtu arriti deri në finale, por ishte Gjermania ajo që ngriti kupën në qiell pas përfundimit të ndeshjes.Ai deklaroi që do të jepte një trofe të Barcelonës për një trofe me Argjentinën, sepse ajo do të ishte unike për të. “Do ta ndryshoja titullin e Barcelonës për një të tillë me skuadrën kombëtare. Fitimi i një titulli me Argjentinën do të ishte diçka unike”, deklaroi Messi për “El Trece”. “Kupa e Botës? Kam besim të madh në këtë grup, jemi duke punuar shumë mirë, kemi lojtarë me shumë kapacitet dhe përvojë. Por ne nuk duhet të hedhim mesazhin se “do të jemi kampionë bote, sepse jemi më të mirët”. Në fakt, sepse realiteti nuk është kështu”, shtoi ai.