Christian Panuccit ka publikuar ditën e sotme listën ne lojtarëve të cilët do të përfaqësojnë kombëtaren shqiptare në dy ndeshjet e radhës miqësore me Kosovën dhe Ukrainën. Emri që bie më shumë në sy është i mbrojtësit Egzon Binaku. Ai ka provuar të luaj edhe me 21-vjeçarët e Suedisë, por në fund ka vendosur që të bashkohet me kuqezinjtë dhe të pajiset me pasaportë shqiptare.
Kemi të bëjmë me një lojtar difensiv, që luan në krahun e majtë, si rol natyral, por ka provuar të bëjë edhe mbrojtësin e djathtë për nevoja të trajnerit. Ai ka lindur më 27 gusht 1995, është 22 vjeç dhe luan me klubin suedez të Malmö FF. Djaloshi me origjinë nga Kosova e ka bërë debutimin e tij në “Allsvenskan” (elitën e futbollit suedez) në ndeshjen kundër Halmstads BK, më 4 maj 2015. Ai ka luajtur edhe dy ndeshje me Suedia U-21, ndërsa ka qenë pjesë edhe e kombëtares së 19-vjeçarëve të këtij vendi skandinav.
Në kampionatin e fundit suedez, Binaku është aktivizuar në 10 ndeshje, ose 524 minuta lojë, duke qenë startues në 5 sfida dhe në 5 të tjera ka hyrë si zëvendësues. Kujtojmë se deri tani, “Allsvenskan” ka luajtur 10 javë nga sezoni i ri futbollistik. Më pare, mbrojtësi në fjalë ka qenë pjesë e BK Häcken dhe IFK Åmål, po në Suedi.
