Lojnat për argëtimin e dasmorëve në vitet e mëparshme tashme janë kthyer si aktivitete në zonën e Gollobordës (Dibër).
Kjo traditë e zonës së Gollobordës organizohet për 4 vite radhazi, duke e bërë kështu një atraksion turistik nga vizitore të ndryshëm të Shqipërisë por edhe jashtë saj.
Në Maj të çdo viti nga “ Shoqata sportive e Gollobordës” organizohet aktiviteti i Mundjes , ku marrin pjesë mosha të ndryshme të dhëne pas sportit. Aktiviteti vijon fillimisht me muzike folklorike, me valle dhe kostume tradicionale të Gollobordës, ku me pas vijon aktivitetet i mundjes në një fushë të fshatit Ostren i Madh.
Fituesi i aktivitetit te Mundjes shpërblehet me bagëti ( dash) i rritur në malet e Gollobordës.
Këtij aktiviteti i pasurohet edhe libri “Pehlivanët e Gollobordës” ku tregohet për fillesat e mundjes , lodrat dhe aktivitetet e ndryshme gjatë dasmave si: Garat e hedhjes së gurëve , gara e vrapit , mundja etj. Në ketë libër tregohet për fituesit e mundjes ndër vite, ndër to edhe Dalip Koçi si dhe ish- kampion i Dinamos Seadin Koçi. Emra të tjerë që përmenden ndër vite që kanë marrë pjesë në këtë aktivitet janë: Ivzi Muca; Hamet Muca; Hysen Gjeta; Ahmet Muca të cilët kanë qenë pjesë e ekipit të Korabit.
Nga: Mirjeta Koçi
