Aventura e Unay Emery tek PSG ka përfunduar, tashmë numri një i pankinës parisiene do të jetë Thomas Tuchel. Ashtu siç ishte lajmëruar më parë gjermani do të marrë vendin e Unay Emery, i cili në fund të sezonit do të largohet nga klubi francez. Ish-tekniku i Dortmund është shprehur mjaft entuziast për detyrën e re që po merr dhe mezi pret që të nisë nga puna:
“Jam shumë i lumtur që do t’i bashkohem një klubi kaq të madh si Paris Saint-Germain. Po pres me padurim të punojë me këta lojtarë të mëdhenj, të cilët janë ndër më të mirët e planetit. Bashkë me stafin tim do të bëjmë çmos për të ndihmuar klubin të arrijë nivelet më të larta ndërkombëtare. Parisi ka një potencial të madh dhe kjo është sfida më e madhe e karrierës sime.”
Gjermani kishte që prej fundit të sezonit 2016/17 që ishte i papunë dhe do t’i japë fund regjimit dyvjeçar të Emery në Parc des Princes.
