Të paktën 19 të arrestuar, 14 në Shqipëri dhe 5 jashtë saj është bilanci i parë i operacionit të gjerë antidrogë të nisur nga Krimet e Rënda.
Por ndërsa minutat kalojnë, mësohet se të arrestuarit janë pjesë e grupit të ashtëquajturit “Escobari shqiptar”, Met Kananin. Ky i fundit u kap me 1.1 ton kanabis në Turqi, pak muaj më parë në Turqi.
Grupi i tij me sa duket i kishte rrënjët në zona si Tepelena, Maliqi, Gjirokasrtra e Tepelena aty ku edhe është përqendruar aksioni i Krimeve të Rënda, shkruan BalkanËeb.
Pak kohë më parë, më 2 prill 2018 një grup i policisë shqiptare ka udhëtuar drejt Stambollit në lidhje me çështjen, hetime që u finalizuan sot.
Pak ditë më parë në një takim me shoqërinë civile vetë ambasadori amerikan mbështeti dhe paralajmëroi arrestimin e një sërë peshqve të mëdhenj, kur theksoi se SHBA mbështet arrestimin e Met Kananit dhe se tani e kanë radhën Arbër Çekaj (i kapur së fundmi) dhe Klement Balili.
https://tiranatoday.com/donald-lu-tahiri-do-te-perballet-me-drejtesine-peshqit-e-medhenj-sfshihen-dot-me/
“Kemi mbështetur kapjen e një peshku të madh të drogës, Met Kanani që u arrestua në Shqipëri me 22 mars. Urdhër arresti janë lëshuar edhe për dy trafikantë të tjerë të mëdhenj, Klement Balili dhe Arbër Çekaj por ata duhet të kapen”, u shpreh Lu disa ditë më parë.
Si u arrestua Met Kanani
Ekipet e Drejtorisë së Anti-trafikut në Stamboll kishin pikasur disa njerëz të Met Kananit në Turqi dhe kishin nisur ndjekjen e tyre. Gjatë hetimeve u pa se Met Kanani po shikonte mbërritjen e drogës me një jaht në brigjet e Mulas, nga maja e një kodre. Por “Escobari shqiptar” nuk e dinte se po ndiqej nga policia, e cila edhe e kishte fotografuar.
Baroni i drogës, siç e konsiderojnë mediat turke, dyshohet të ketë trafikuar disa ngarkesa të mëdha kanabisi drejt vendeve të Lindjes, por edhe heroinë drejt vendeve të Bashkimit Evropian.
