Mesditën e sotme është arrestuar një ndërtues i fuqishëm në Tiranë, Dritan Llanaj. Dritan Llanaj është pronari i një firme ndërtimi në Tiranë, Mesapliku 05 shpk.
Arrestimi i tij është bërë nga Krimi Ekonomik i Policisë se Tiranës nën akuzat “falsifikim dokumentesh, ndërtim i paligjshëm dhe mashtrim me pasoja të rënda”.
“Nga Specialistët e Hetimit të Krimit Ekonomik dhe Finaciar pranë D.V.P. Tiranë, u bë ndalimi i shtetasit :
Dritan Llanaj, 41 vjeç, banues në Tiranë.
Gjykata e Rrethit Gjyqësorë Tiranë me vendimin e datës 07.05.2018 ka caktuar ndaj këtij shtetasi masën e sigurimit “Arrest me Burg” për veprat penale “ Falsifikim i vulave dhe stampave”, Ndërtim i paligjshëm”, “Mashtrim”, të parashikuara nga neni 190/1, 199/a/3 dhe 143/3 i kodit penal.
Materialet proceduriale do ti kalojnë Prokurorisë së Rrethit Gjyqësorë Tiranë për veprime të mëtejshme” thuhet në njoftimin e policisë.
Por, në nëntor të vitit 2017, nëna e dy fëmijëve në Tiranë tentoi të hidhej nga tarraca e një pallati në ndërtim e sipër. Ngjarja në atë kohë ndodhur në zonën e Tiranës së Re në Tiranë.
Bëhej fjalë për një konflikt pronësie mes pronarëve të tokës dhe ndërtuesit. Enkelejda Ahmetaj, 37 vjeç nënë e dy fëmijëve zbriti nga tarraca por nuk pranoi të dilte nga pallati. Ajo në atë kohë është shprehur se “Kërkon që të vijë prokurori dhe nuk pranon të shoqërohet”.
Historia e konfliktit të pronësisë
I ati i gruas, që kërcënoi të hidhet nga tarraca e pallatit, kishte bërë një kontratë me ndërtuesin, Dritan Llanaj, Firma Mesaplik 05, për të marrë 37% të ndërtimit. Kjo sipas rrëfimit të vëllait të 37 vjeçares, por ata pretendojnë se nuk kanë marrë asnjë centimetër.
Ndërtuesi ia ka shitur kompleksin një pallati tjetër. “Na ka marrë pronën dhe e ka shitur të gjithën. Firma Mesaplik 05, Dritan Llanaj e ka emrin firma dhe nuk dime as vetë gjë. Ne nuk kemi rrugë tjetër, skemi çfarë të bëjmë. Prona është e jona.
Ka bërë dokumente falco, leje të paligjshme, ka shitur të gjithë apartamenteta. Ne s’kemi marrë asgjë fare. Nuk dimë çfarë të bëjmë më. Ka disa ditë që na thotë do hidhem nga pallati, sot në mëngjes e mësuam. Kemi fituar tre gjyqe por sërish nuk kemin marrë asnjë centimetër”.
